About Meklit MFI

መክሊት ማይክሮፋይናንስ ኢንስቲትዩሽን አ/ማ እ.አ.አ ፌብሪዋሪ 2000 በአዋጅ ቁጥር 40/96 እንዲሁም በተሻሻለው የማይክሮፋይናንስ ማቋቋሚያ አዋጅ ቁጥር 626/2009 የተቋቋመ የማይክሮፋይናንስ ተቋም ነው፡፡ ተቋሙ ከተመሠረተበት ጊዜ ጀምሮ ላለፉት በርካታ ዓመታት በገጠርና ከተማ ለሚገኙ በተለይም ለሴቶች እና ወጣቶች የማህበረሰብ ክፍል የባንክ አገልግሎት በመስጠት በተጨማሪም ለማህበረሰባቸውና ለሃገራቸው እንዲተርፉ ማድረግ ያስቻለ ሲሆን ዛሬ ላይ በተለያዩ የሀገሪቱ ክፍሎች ቅርንጫፎችን ከፍቶ በቴክኖሎጂ የታገዘ ቀልጣፋ፣ ምቹ. እና ፈጣን የብድርና ቁጠባ አገልግሎቱን በመስጠት ላይ ይገኛል፡፡

ከቅርብ ዓመታት ወዲህ በከፍተኛ ፍጥነት እያደገ የመጣው ተቋማችን መክሊት ማይክሮፋይናንስ ዛሬ ላይ የተፈቀደ የካፒታል መጠኑን ወደ አንድ ቢሊዮን ብር ማድረስ የቻለ ሲሆን በ2022 በጀት ዓመት የኩባንያው የተመረመረ የሂሳብ መዝገብ እንደሚያመለክተው የኩባንያው የትርፍ ድርሻ ክፍያ (86.9%) ሆኖ ተመዝግቧል፡፡ ይህም አጠቃላይ በፋይናንስ ዘርፉ ውስጥ ከተመዘገበው የትርፍ ድርሻ ክፍያ አፈፃፀም እጅግ ከፍተኛው ሆኖ ተመዝግቦለታል፡፡ ተቋሙ አሁን ላይ ከ270 በላይ ባለአክስዮኖች ያሉት ሲሆን የተቋሙን ማኔጅመንት አቅጣጫ በመስጠት የሚያግዙ 7 አባላት ባሉት የዳይሬክተሮች ቦርድ ይመራል፡፡

ተልዕኮ

ብቁ ፣ የሰለጠነ የሠው ሃይልና ቴክኖሎጂን በመጠቀም ተደራሽ ያልሆኑ በተለይም በከተማና በገጠር የሚገኙ ሴቶችና ወጣቶችን እንዲሁም በዝቅተኛና መካከለኛ ገቢ ደረጃ ላይ የሚገኙ የሕብረተሰብ ክፍሎች ገቢያቸውንና ኑሯቸውን እንዲያሻሽሉ ተደራሽና ጥራት ያለው፣ ደንበኛ ተኮር፣ ቀልጣፋና ምቹ የፋይናንስ አገልግሎት በዘላቂነት መሥጠት ነው፡፡

ራዕይ

በሀገራችን ዝቅተኛ የኑሮ ደረጃ ላይ ለሚገኙ እንዲሁም በተለያዩ ምክንያቶች በፋይናንስ ተደራሽ ላልሆኑ የሕብረተሰብ ክፍሎች አካታች የፋይናንስ አገልግሎት በመሥጠት ቀዳሚ በመሆን የመልማት አቅሙን የሚጠቀም ሕብረተሰብ ማየት ነው፡፡